Testament de Didier de GENTHON, écuyer (Sosa n° 6214)
29 Juin 1586, Maître
Sébastien ALBALESTRIER, notaire à Theys (AD38 / 3E -
5797)
Tous mes remerciements à Laurent Lamotte.
1 Testament de Disdier
2 Genthon escuyer filz donné
3 de feu noble Jacques
4 Genthon du lieu et paroisse de
5 Theys
6 Pour l'honneur, gloyre et louange de
7 Dieu tout puissant. Soit faict et à tous
8 notoyre que l'an de grâce courant
9 mil cinq centz huictante six et le
10 penultiesme jour du moys de juing
11 avant midy, pardevant moy notaire
12 roial dalphinal soubsigné et présentz
13 les tesmoingts soubsnommés, en personne
14 s'est estably Disdier Genthon escuyer,
15 filz donné de feu noble Jacque Genthon
16 du lieu et paroisse de Theys, lequel,
17 agréablement, estant seyn de sens
18 entendement et bonne mémoyre, par la grâce
19 de Dieu, jacoyr (jaçoit que = bien que, malgré que) ce qu'il soyt détenu
20 au lit de aulcune malladie et infermité
21 corporelle, craignant sa mort subicte
22 laquelle plusieurs gens aulcunes fois
23 Décept Considérant aussy qu'il n'est
24 chose plus certayne que ladite
25 mort et rien plus incertayn que l'heure
26 d'icelle, craignant aussy, icelluy
27 testateur qu'apprès son décept et trespas
28 des biens et héritaiges qu'il tient
29 et possède en ce monde, entre ses
30 parans question débat et procès
31 y adviennent et à ce veulliant obvier
32 et aussy veulliant disposer et
33 ordonner de son âme corps et biens
34 en faisant son dernier testament
35 nuncupatif (oral en présence de témoins) et ordonnance de dernière
36 vollonté testamentelle en la manière
37 forme et teneur que cy après s'ensuyt :
38 premièrement, invoquant le nom de
39 Dieu tout puissant, faisant le vénérable
40 signe de la saincte croix disant
41 In nomine patrii filii et spiritus sancti
42 Amen. En recommandant son âme à Dieu
43 le créateur et à la benoicte vierge
44 Marie sa présieuse mère à tous
45 les sainctz et sainctes de paradix
46 laquelle quant ainsi sera que elle
47 sera scéparée de son corps la veullent
48 mener et collocquer au benoict
49 royaulme de paradix avec les bien-
50 heureux et au moien de leur intercession
51 puisse en avoyr grâce et rémission
52 de ses péchés. La sépulture de
53 son corps ledit testateur veult et ordonne
54 estre faicte au cimestière ou dans l'esglise
55 parochialle dudit Theys au vas et
56 tombe de ses feux parantz amys
57 trespassés à laquelle sépulture
58 icelluy testateur veult et ordonne
59 estre faicte telle solempnité et despans
60 que sera admize par sa héritière universelle
61 soubznommée, luy en laissant
62 entièrement la charge que sera pour
63 le remède et salut de son âme et
64 de ses feux parantz ami et trespassés
65 Item icelluy testateur faict et
66 institue sa héritière particulière
67 demoiselle Maguelonne Genthonne
68 sa seur en la somme de cinq
69 cens douze livres tournois qui luy seront
70 payables incontinant apprès le
71 décept dudit testateur. Et ce
72 moyennant, il la prive et exclud
73 de tous et unchacun ses aultres
74 biens de sorte que elle, ny les
75 siens y puissent jamais rien demander
76 ny quereller. Et pour ce que le
77 chefz et fondement de tout testement
78 est la institution universelle sans
79 laquelle tous testement seroyt
80 nul et invallide, en tout ses
81 aultres biens meubles et immeubles
82 droictz noms action raisons et
83 auttres choses quelconques audit
84 testateur appartenantz pryant le
85 ciel jusques à la part (?) desquels
86 il n'a pas faicte mention si sus
87 icelluy dit testateur faict et
88 institue et de sa propre bouche nomme
89 sa héritière universelle à scavoir
90 Marguerette fille de feu Pierre Pollin
91 du lieu de Sainct Ismier et femme de
92 François Molloct Bournet du lieu et
93 paroisse de Theys, pour d'iceulx
94 biens après le décept d'icelluy
95 testateur faire à sa volonté à la vie
96 et à la mort. Par laquelle
97 héritière universelle susnommée ledit
98 testateur veult ordonne entend et
99 commande ses debtes obsèques funérailles
100 et légats estre payèes et
101 paciffiés sans figure de proces.
102 Et c'est son dernier testement
103 nuncupatif et sa dernière vollonté
104 testamentelle lequel et laquelle
105 icelluy testateur veult et
106 entend estre vallable et perpétuellement
107 durable par droict de testement parfaict
108 ou imparfaict et s'il ne estoyt
109 vallable, par droict de testement
110 veult et entend qu'il soyt vallable
111 par droict de codicil ou bien par droict
112 de donnation que se dict estre
113 faicte entre les vivantz et à cause
114 de mort et par tout aultres droictz
115 et voye que mieulx pourra valoyr
116 tant de droict que de coustume.
117 Cassant révocquant irritant
118 Et annulant ledit testement tous
119 aultres testementz codicilzs donnations
120 que il pourroyt en avoir faict
121 par cy devant. Priant et requerant
122 icelluy testateur les tesmoingtz
123 cy apprès escripts et nommés que du
124 contenu en sondit présent testement
125 à heulx plaise porter tesmoignage de
126 vérité en temps et lieu que seroyt
127 besoing et qu'ilz en seront requis
128 commandant en oultre le susnommé testateur
129 à moy dit notaire soubzsigné
130 que sondit présent et dernier testement
131 je aye fidèlement à rédiger
132 en mon prothocole et registre
133 par escript et que toutes et
134 quantes foys que de la part
135 de sadite héritière universelle
136 susnommée seray requis icelluy
137 luy aye à expédier, ensemble
138 à tous aultres légatairs susnommés
139 et à qui de droict appartiendra
140 moyennant sallayre raisonnable
141 Faict et stipullé en la ville dudit
142 Theys , dans la mason des hoyrs
143 de feu messires Jehan et Jacque Drier
144 frères, dans laquelle ledit testateur
145 sadite héritière universelle et ledit son
146 mary habictent. Présentz messire Guigues
147 Béroud clerc filz de feu Félix Béroud,
148 du lieu de Ruffiey (Ruffier) parroisse dudit Theys,
149 Guigues Marin Cottin, laboureur des dits
150 Ayes, François Bellin aussi laboureur
151 de la Coche, Ennemond Chaffanel
152 serrurier, Jacques Pappet mareschal
153 filz de Philippe, Jehan Chaffanel
154 cousturier filz de feu Claude dict
155 Gueppaz, tous troys de la Ville
156 et Claude Gérard filz de feu Jehan
157 Gérard laboureur dudit É
158 paroisse dudit Theys
159 tesmoingtz à ce requis appellés bien
160 cogneux (connus) et nommés par ledit testateur
161 icelluy messire Béroud icy signé, les
162 aultres ensemble ledit testateur non
163 icy signé pour ne scavoyr
164 escrire comme ilz ont dict
165 sur ce par moy enquis.
166 Signé G Béroud présent
167 Et moy Sébastien Arbarestier
168 Notaire roial dalphinal ce
169 Recepvant soubzsigné.
170 Signé Arabestier