Acte de partage entre les héritiers DE GENTHON
19 janvier 1619- Maître DRIER, notaire à Theys (AD 38 )
Remerciements à Laurent Lamotte pour la photo, et à Marie-Paule ARRIBET pour la transcription.1 Divisions et partage
2 Comme ainsy soit que par le décès de feue
3 Jane Gorrin Revel vivant vefve de feu honneste
4 Disdier Genthon, de Malvoisson parroisse de Theys, les
5 Biens et héritages qui luy appartenoient avant son
6 Décès soient demeuréz en commung entre Jane Genthon
7 Leur fille, femme de honneste Michel Morard
8 Marchand de Pinsot au mandemant d'Allevard,
9 Charles, Élisabeth et Gabrielle Genthon aussy leurs
10 Enfans, frère et seurs de ladicte Jane, lesquelz
11 Biens et héritages tant meubles qu'immeubles
12 Ont esté despuis le décés de ladicte Gorrin * jouys
13 Tenuz et possédéz comme dict est en commung
14 Par lesdictes Jane , Élisabeth Genthon seurs, honeste
15 Jehan Blanc clerc, tuteur et administrateur des
16 Personnes et biens desdicts Charles et Gabrielle Genthon
17 En ladicte qualité. Et parce que nul n'est tenu
18 Oultre son gré de vivre en communion, ledict
19 Michel Morard au nom de ladicte Jane sa femme
20 Désirant retirer à luy et riesre son pouvoir les
21 Biens et héritage qui peuvent compéter et appartenir
22 À ladicte sa femme par le moyen dudict décès
23 Auroit sommé verballemant lesdictz honneste Jehan Blanc
24 En ladicte qualité et ladicte Élisabeth Genthon pour son
25 Chef particullier de venir au partage desdicts biens
26 Et héritage, à quoy toutes les parties chescune
27 Au droict soy adhérantz de ce faire, à telle fin que
28 La paix et amour fraternelle soict maintenus
29 Entre lesdicts frère et seurs comme elle a esté cy
30 Devant, ont procédé audict partage ainsy que
31 Cy apprès. En l'effect de quoy, ce jourd'huy
32 Dixneufviesme du moys de janvier apprès
33 Midy, l'an mil six centz dixneuf, pardevant moy
34 Notaire royal deslphinal soubsigné et présnts les
35 Tesmoingts soubznomméz, se sont personnellement
36 Establys et constituéz les susdictz Michel Morard
37 D'une part Élisabeth Genthon d'aultre et honneste Jehan
38 Blanc clerc dudict Theys, encor d'aultres lesquelz
39 De plain gré tous ensemblemant, procédantz
40 En ce faict ledict Morard au nom de ladicte Jane
41 Genthon sa femme icy absente, pour laquelle il
42 Promect toute ratiffication nécessaire à requeste
43 À peyne de despans et intérestz, ladicte Élisabeth
44 Genthon pour son chef propre et ledict Blanc comme
45 Tuteur et administrateur susdict, pour lesquelz
46 Charles et Gabrielle il promect faire faire semblable
47 Ratiffication que dessus apprès qu'ilz auront attainct
48 L'age compétant soubz mesme peyne que dessus
49 En ceste qualité. Apprès avoir meuremant considéré
50 Entre eulx la faction dudict partage ont délibéré
51 Puis conclud, tous d'une mesme voix, nul d'eulx
52 Ne discordant que les biens et héritage délaissez
53 Par ladicte Gorrin seront partagez de façon
54 Que lesdicts Charles et Gabrielle pupilz auront en
55 Commung la moytié et lesdictes Jane et Élisabeth
56 Seurs l'autre moytié communémant Ensuitte de laquelle
57 Délibération, lesdictes parties tous ensemblemeant ont
58 Convenu pour preudhommes pour et aux fins de
59 Procéder audict partage de la personne de Claude
60 Guiet et Félix Gorrin Marandin, tous deux laboureurs
61 Dudict lieu de Malvoisson de l'advis desquelz
62 A été procédé audict partage. Avecq lesquelz
63 Preudhommes lesdictes parties se sont transportéz
64 Avecq moydict notaire sur tous les biens immeubles
65 Qu'estoient de ladicte Gorrin et en apprès comme
66 Les biens meubles ont estez partagez par moytié
67 Par lesdicts preudhommes ainsy que cy apprès
68 Et advenu au chescung sa part comme il sera pareillement
69 Dict cy apprès. Premier à la part desdicts
70 Charles et Gabrielle Genthon pupilz est advenu des
71 Biens meubles qu'estoient de leur dicte mère prins
72 Et choysis par ledict Me Blanc leur tuteur sur les
73 deux moytiés partagées comme dict est par lesdictz
74 preudhommes premier une oulle de fert
75 pesant dix sept livres. Item deux linceulx my usés.
76 Item une couverte rouge de peu de valleur.
77 Item ung poct de cuyvre de peu de valleur pezant
78 Cinq livres, une petite espy avecq son manche
79 Une trayen de peu de valleur, rompue. Item ung
80 beschenet my usé avecq son manche, une sape de peu de
81 Valleur avecq son manche, une grand arche de
82 Boys blanc sans barres ny serreures tenant envyron
83 Neuf sestiers bled. Item un lict de boys blanc de
84 Peu de valleur, une mect de boys blanc servant à
85 Pétrir pain my usée ayant une barre de fert
86 Sans poinct de serreure, une petite arche de boys
87 Blanc de peu de valleur ayant deux barres
88 L'une rompue avecq une meschante serreure
89 Ung poidz à pezer tirant du plus trante cinq
90 Livres et finalemant un carte mesurer bled
91 My usée. Et des biens immeubles sont advenus
92 Ausdicts pupilz prins et choysis pareillement par
93 Ledict Blanc leur tuteur, du consanttemant dudict
94 Morard et de ladicte Éliisabeth Genthon en premier
95 Lieu le dernier d'une maison d'hault en bas ainsy
96 Qu'est la fraiz d'icelle du cousté de la bize avecq
97 Le plassage de toute la dicte maison devers le couchant
98 Ainsy que dénotte deux limittes ce jourd'huy entre
99 Les parties plantées située audict lieu de
100 Malboisson à laquelle moytié de maison et
101 Plassage confronte Firmin Givinel du levant,
102 L'autre moytié de ladicte maison avecq le chemin
103 Publicq allant au boys noir du vent et ung
104 Aultre chemin publicq menant du susdict allant au
105 Rochard de la bize et du couchant. Item une pièce
106 De terre, pré et arbres dans plantéz
107 Contenant envyron trois
108 Journaulx scittuée audict lieu de Theys vers
109 Mollar Léger au lieu appellé au Culat confrontant
110 Honneste François Giraud et sa femme du levant
111 Et avecq le chemin publicq allan au boys noir
112 Du vent et le chemin Éde Pierre Grosse
113 Allant aussy au boys noir de la bize et n'y a que
114 Trois confins parce que la piece est faite à
115 Manière d'herpye. Item une grange avecq ses
116 Plassages du cousté du levant et de vent, située
117 Audict lieu confrontant lesdictz Giraud et sa femme
118 Du levant et de bize, le chemin allant au boys noir
119 Du vent et moydict notaire du couchant. Item une
120 Péciolle de plassage située audict lieu confrontant
121 Moydict notaire du levant ledict chemin du vent et
122 Lesdicts Giraud et sa femme de la bize et du couchant
123 Et à la part desdictes Jane et Élisabeth
124 Genthons seurs sont advenuz des biens meubles
125 Certains autres petitz meubles de peu de valleur
126 Qui ne méritent d'estre icy rédigéz par escript
127 Lesquels ont estéz présentemant retiréz par
128 Ledict Morard au nom de sadicte femme et ladicte
129 Élisabeth sa seur de consentement dudict Messire Blanc
130 Tuteur susdict. Et quant aux immeubles sont advenuz
131 Ausdictes Jane et Élisabeth du consentement susdict
132 Ceulx qui sont cy apprès mentionnéz et confinéz
133 Premièremant la moytié devers le vent d'hault
134 En bas de la maison cy sus mentionnée et confinée avecq son
135 Plassage devers ladicte partie du vent lequel
136 Plassage dessent envyron une toise et tiers plus
137 Bas que ne faict le angle de ladicte maison confrontant
138 Firmin Givinelel du levant l'aultre moytié de
139 Ladicte maison advenue ausdicts Charles et Gabrielle
140 De la bize, le chemin venant de la ville de Theys
141 Allant au boys noir de vent et lesdict plassages
142 Advenuz de ladicte maison ausdicts pupilz du couchant. Item
143 Une pièce de pré , terre et boys avecq ung chasal
144 De grange dans estant contenant le tout envyron
145 Quatre jornaulx, scituée audidt lieu de Theys au lieu
146 Appelé vers la forestz confrontant damoyselle
147 Élisabeth de Villet fille de feu noble Daniel de
148 Villet du levant, du vent et du couchant et le rives
149 De la forest descendant vers Gorruet de la bize.
150 Plus ung chasal de maison et grange avecq son
151 Plassage et arbres dans estantz contenant en tout
152 Envyron ung quart de journal situés à Malbuisson
153 Confrontant Félix Gorrin Maraudin au levant pour
154 La maison plus avecq Ennemond Chaboud Tondu du
155 Vent, le chemin publicq appellé La Prose des Chanetz
156 De la bize et noble Caesar de Veaulxserre seigneur des
157 Adretz du couchant. Item et finalemant une
158 Pencion annuelle bÏuf, carteau avoyne, mesure de
159 Goncellin qui estoit des biens délaisséz par ladicte feu
160 Gorrin deue par François Pochot Caivoz laboureur des
161 Ayes parroisse dudict Theys soubz le capital de
162 Neuf escus vallantz suyvant l'ordonnance
163 Vingt sept livres. Tous lesquelz susdictz
164 Biens cy sus advenuz en partage à la chascun desdictes
165 Parties ainsy qu'il est cy sus dict estre par eulx
166 Jouys tenuz et possédéz et faict à leur
167 Playsir soubz les honneurs et charges esquelz
168 Ilz se treuveront tenuz et astrainctz soubz les
169 Conditions mutuellemant entre les parties réservées
170 Et accordées. En premier lieu que tous les debtes
171 Actifz passifz et aultre quelconque advenuz sur lesdicts
172 Biens jusque à présent de quelle nature qu'ilz
173 Soient procédéz de leur dicte mère ou aultres ordonnances
174 Comme arriérages de cense et tailles audict cas
175 Lesdictes Jane et Élisabeth seront tenues d'en payer
176 La moytié et ledict Blanc ou lesdicts Charles et
177 Gabrielle l'aultre moytié sans difficulté ny
178 Contredict quelconque. Comme de mesme a esté
179 Pareillement dict et accordé que sy procès
180 Arrivoient sur lesdict pièces partagées par quelque
181 Sorte de prétexte ou moyen que ce soit les poursuittes
182 Qui se feront seront aux commungs fraiz desdictes
183 Parties sans contredict La prize perceue ceste
184 Présente année derrenière passée sur lesdicts biens partagéz
185 Demeure commune entre lesdicts parties à raison
186 De quoy le chacun d'icelles tiré sa part et
187 Ratte ainsy qu'ils ont dict et déclairé en présence desdicts
188 Tesmoingts ainsy que dessus lesdictes parties sont
189 Demeurées d'accord promis et promettent par elles de la
190 Maintenir et inviolablement observer à perpétuité
191 Sans jamais y contrevenir directement ou
192 Indirectement en jugement ny dehors soubz l'obligation
193 Yppothèque et submission de tous et un chascung
194 Leurs biens présents et avenir à toutes cours
195 Royalles delphinalles en bonne forme renonçant à
196 Tous droictz, loix, statutz et ordonnandes à ce que
197 Dessus contraire mesme au droict É
198 É
199 Faict et publié audict
200 Theys à la place publique dudict lieu où estoient
201 Présents vénérables Michel É presbtre curé dudict Theys
202 Pierre Peyn Cornachon, presbtre curé de la Ferrière
203 Noble Cersar de Theys seigneur du Mollar dudict Theys
204 Honneste Charles Argis résident audict Theys, Claude
205 Jullian clerc dudict lieu et Jehan Chassende marchand
206 Dudict lieu de la Ferrière, tesmoingtz requis qui
207 Sont icy avecq ledict Me Jehan Blanc signéz, lesdicts
208 Morard, ensemble ladict Élisabeth Genthon avecq
209 Lesdicts preudhommes ont dict ne scavoir escripre
210 Sur ce enquis. * jusques à présent. ** du consentement
211 desdicts Morard en laqualité qu'il procède et ladicte
212 Élisabeth Genthon.
213 Signé
214 J. Chassende présent
215 Cornachon presbtre présent